მოქმედება ფაშისტურ გერმანიაში 1939 წლის იანვრის დასაწყისიდან ხდება. მთავარი გმირი 9 წლის გოგონა ლიზელი მემინგერია, რომლის ირგვლივაც ვითარდება სიუჟეტი. ლიზელს ძალიან მძიმე ბავშვობა ჰქონდა - მამამისი, რომელიც კომუნისტებთან იყო კავშირში, უგზო-უკვლოდ დაიკარგა, ხოლო დედა, რომელსაც არ შეეძლო თვისი გოგონასა და ბიჭისთვის მოევლო, შვილების გაშვილებას გადაწყვეტს. ახალი სახლისკენ მიმავალ გზაზე გოგონას ძმა მის თვალწინ მძიმე დაავადების შედეგად გარდაიცვლება.
